Tuesday, November 4, 2008

Belajar Dari Bambu

,
Bambu.. Tanaman yang kalau di Indonesia sering dihubung-hubungkan dengan mistis. Lebih spesifik lagi yaitu pohon bambu identik dengan keberadaan kuntilanak. Namun coba kita telaah lagi bambu ini dari sisi lain. Ternyata bambu yang jika dilihat dari bentuknya nampaknya tidak punya apa-apa ternyata mempunyai banyak kegunaan. Beberapa waktu lalu, saya teringat akan buku karangan Sindhunata,SJ yang berjudul "Air Kata-Kata". Salah satu isi dari buku ini mengajarkan bagaimana cara kita mensyukuri dan menjalani hidup dengan belajar dari tanaman bambu yang dikemas dalam puisi jawa. Begini isi puisi tersebut :
Pring reketeg
gunung gamping jebol
susu mentheg-mentheg
bokong gedhe megal-megol


Pring padha pring
eling padha eling
eling dirine
eling pepadhane
eling patine
eling gustine

Pring iku deling
tegese kendel lan eling
pring padha pring
eling pada eling

Pring iku suket
dhuwur tur jejeg
pring reketeg
gunung gamping jebol
susu mentheg-mentheg
bokong gedhe megal-megol

Pring ori, urip iku mati
pring apus, urip iku lampus
pring petung, urip iku suwung
pring wuluh, urip iku tuwuh
pring cendhani, urip iku wani
pring kuning, urip iku eling

pring padha pring
eling padha eling
eling dirine
eling pepadhane
eling patine
eling gustine

Pring iku mung suket
ning kabeh-kabeh asale saka pring
kepang asale pring
sujen asale pring
lincak asale pring
pager asale pring
usuk asale pring
cagak asale pring
gedhek asale pring
tampar asale pring
kalo asale pring
tampah asale pring
serok asale pring
tenggok asale pring
tepas asale pring
pikulan asale pring
walesan pancing asale pring
jangan bung asale pring
buntel gembus asale pring
wong urip asale pring
uripe kudu eling
patine digotong nganggo pring
mulih asale ing ngisor pring

pring padha pring
eling padha eling
eling dirine
eling pepadhane
eling patine
eling gustine

Pring iku mung suket
ning gunane akeh banget
yaiku jenenge ngelmu pring
dadia kaya pring
prasaja ora duwe opo-opo
ning merga ora duwe opo-opo
bakal bisa dadi opo-opo
kaya pring

Pring reketeg
gunung gamping jebol
susu mentheg-mentheg
bokong gedhe megal-megol

Susune sopo sing mentheg-mentheg
susune pring
bokonge sopo sing megal-megol
bokonge pring
pring susu
pring bokong
pring iku ibune sing momong

Pring reketeg
gunung gamping jebol
susu mentheg-mentheg
bokong gedhe megal-megol

Ora gampang tugel merga melur
pring keno dinggo mikul
barang sing abot
pikulen bot repoting uripmu
melura, pasraha,
baumu bakal isa nyangga kabeh sanggan uripmu


Pring reketeg
gunung gamping jebol
susu mentheg-mentheg
bokong gedhe megal-megol

pring iku gampang tuwuh
lemahe bera, lemahe subur
mangsane garing mangsane rendheng
pring iku terus modot
nyuworo kumreseg lan kumleteg
pucuke mbedhah clumpringe
kang mbebed lan wuled
ing mbengi pengin sepi
swarane kumrenyes merak ati
aja nggresula aja sedih
dudu kowe ning gusti
sing bakal nuwuhake, nggedheake
nyempurnake uripmu tanpa kowe ngerti
ngerti-ngerti kowe wis ketiban rejeki
cukup sandang cukup pangan mukti pakarti

Pring reketeg
gunung gamping jebol
susu mentheg-mentheg
bokong gedhe megal-megol

Njerone pring iku bolong tanpo isi
nanging bolong iku ngemu isi
yaiku sejatine ngelmu pring
golekane isine wuluh wung wang
dadio isi sajroning suwung

pring padha pring
eling padha eling
eling dirine
eling pepadhane
eling patine
eling gustine

0 comments to “Belajar Dari Bambu”

Post a Comment